এতিয়া ঘৰতে বহি কৰক বেংকৰ কাম, ৪২ কোটি গ্ৰাহকলৈ SBIৰ বিশেষ সুবিধা

বেলেঞ্চ এনকুৱেৰী, মিনি ষ্টেটমেণ্টৰ লগতে শিক্ষামূলক ঋণৰ সুদৰ প্ৰমাণপত্ৰ–গৃহ ঋণৰ সুদৰ প্ৰমাণপত্ৰ আদিৰ তথ্য লাভ কৰিব পাৰি

SBI কুইক এক মিছ্ড কল বেংকিং সেৱা। এই সেৱাৰ জৰিয়তে একাউণ্ট আৰু আন বেংকিং সেৱা সম্বন্ধীয় তথ্য লাভ কৰিব পাৰে গ্ৰাহকে। একাউণ্টৰ গৰাকীয়ে মিছ কলৰ জৰিয়তে SBI কুইক সেৱা লাভ কৰিব পাৰিব।

কেনে কৰিব SBI কুইক সেৱাৰ ব্যৱহাৰ :

১. বেলেঞ্চ এনকুৱেৰী – একাউণ্টৰ বেলেঞ্চ জানিবলৈ 09223766666 নম্বৰত মিছ কল দিয়ক বা “BAL” লিখি SMS প্ৰেৰণ কৰক।

২. মিনি ষ্টেটমেণ্ট – 09223866666 নম্বৰত মিছ কল দি বা “MSTMT” লিখি 09223866666 নম্বৰলৈ SMS কৰি আপুনি শেষৰ পাঁচটা লেনদেনৰ তথ্যৰ সৈতে লাভ কৰিব মিনি ষ্টেটমেণ্ট।

৩. চেক বুক ৰিকুৱেষ্ট – একাউণ্টৰ গৰাকীয়ে 09223588888 নম্বৰত ‘CHQREQ’ বুলি লিখি মেছেজ প্ৰেৰণ কৰি বা এই নম্বৰত মিছ কল দি নতুন চেকবুকৰ বাবে আবেদন কৰিব পাৰে। গ্ৰাহকে ৬টা সংখ্যাৰ এটা SMS লাভ কৰিব। কনফাৰ্ম কৰিবৰ বাবে গ্ৰাহকে 09223588888 নম্বৰত “CHQACC <space> Y <space> 6 অংকৰ নম্বৰ” লিখি SMS কৰিব লাগিব।

৪. SBI ই–ষ্টেটমেণ্ট – গ্ৰাহকে নিজৰ ৰেজিষ্টাৰ্ড ই–মেইলত বিগত ৬ মাহৰ ষ্টেটমেণ্ট লাভ কৰিব পাৰে। ই–মেইলত পাছৱৰ্ড সুৰক্ষিত PDF ফাইল প্ৰেৰণ কৰা হয়। মিছ কল দি বা “ESTMT <স্পেচ> একাউণ্ট নম্বৰ <স্পেচ> <চাৰিটা অংকৰ কোড>” লিখি 09223588888 নম্বৰলৈ প্ৰেৰণ কৰক।

৫. শিক্ষামূলক ঋণৰ সুদৰ প্ৰমাণপত্ৰ – মিছ কল দি বা SMS প্ৰেৰণ কৰি শিক্ষামূলক ঋণৰ সুদৰ প্ৰমাণপত্ৰ লাভ কৰিব পাৰি। “ELI<স্পেচ> একাউণ্ট নম্বৰ <স্পেচ> <চাৰিটা সংখ্যাৰ কোড> লিখি 09223588888 নম্বৰলৈ SMS প্ৰেৰণ কৰক।

৬. গৃহ ঋণৰ সুদৰ প্ৰমাণপত্ৰ – মিছ কল দি বা SMS প্ৰেৰণ কৰি গৃহ ঋণৰ সুদৰ প্ৰমাণপত্ৰ লাভ কৰিব পাৰি। “HLI <স্পেচ> একাউণ্ট নম্বৰ <স্পেচ> <চাৰিটা সংখ্যাৰ কোড> লিখি 09223588888লৈ প্ৰেৰণ কৰক।